Lalo pang tumataas ang trust at approval ratings ni Vice President Jejomar Binay ayon sa pinakahuling Pulse Asia survey.
Base sa survey na ginawa noong Disyembre 4-11, nakakuha si Binay ng positive 52% para sa kanyang approval rating habang positive 49% ang kanyang nakuha sa trust rating.
Lumalabas na tumaas ng 9% ang approval rating ni Binay mula sa huling Pulse Asia survey noong Setyembre habang umangat naman ng 10% ang kanyang trust rating.
Lumalabas din na malaki ang itinaas ng approval rating ni Binay sa mga maralita.
Sa class E ay nakakuha siya ng positive 66% kung saan mas mataas itong ng 20 puntos mula noong Setyembre.
Sa class D ay nakakuha siya ng positive 49% na mas mataas ng limang puntos kumpara sa huling survey.
Hati naman ang class ABC kung saan nakakuha si Binay ng positive 30% habang aabot sa 27% ang undecided at nasa 43% ang hindi pabor kay Binay.
Kapag susuriin ang survey batay sa mga lugar sa bansa ay lumabas na pinakamataas ang nakuha ni Binay sa Visayas na nagtala ng 49%.
Sinundan ito ng Luzon at Mindanao. Sa Kamaynilaan naman ay nakakuha ang bise presidente ng positive 46%.-DCR